En zonm pe ganny detenir koman sispe dan lanmor en lot zonm


11-February-2013

Dapre en kominike lapolis Msye Sauzier, ki ti reste Marie-Jeanne Estate, Praslin, ti ganny trouve ater anviron 20 met avek kot i ti pe reste avek blesir pike dan son lestoman kote gos e dan son ledo.

I ti ganny deklare mor letan i ti ariv Lopital Baie Ste Anne, Praslin.
Dapre rapor, sa lensidan pike, ki ti ganny raporte avek lapolis anviron 8er diswar Sanmdi, ti ariv dan lakaz kot Msye Sauzier ek sa sispe ti pe reste ansanm avek en lot zonm.

Lapolis in dir zot pe fer lanket pour determin sirkonstans sa lensidan.

Send your comment :

Name *

Email *

Comment *