Kominike Lapolis |19 March 2013

Son msye ki ti’n ganny koupe lo lipye apre ganny kros krose enpe partou lo son lekor ti ganny trete apre ganny large Dimans menm ansanm avek zot pti fiy 4-an edmi ki li i ti’n ganny pti grife ek sok.

Sa aksidan ti an rezilta en kolizyon ant en pick up ki ti pe fer direksyon Baie Lazare kont loto ki sa fanmir ti ladan ki ti pe fer direksyon Anse Royale.
Dapre rapor sa fanmir ti pe dray dan move kote semen letan sa aksidan ti arive lo en pti kontour dan zanmerant La Residence. Aksidan ti ganny raporte arive ver 12er45.

****

Lapolis in raporte ki 3 manm en fanmir Endyen – en papa, en garson ek en belfir – ki reste Hermitage i admit Lopital Sesel apre ki zot in sispekte konsonm sibstan ki’n entoksike.
Dapre sa 3 dimoun zot ti selman santi zot pa normal apre ki zot ti’n fini bwar dite. Sa belfir ti’n admit dan younit swen entansif me aprezan in ganny transfer lo ward.
Lapolis pe fer lanket dan sa ka ki ti ganny raporte Sanmdi.