Follow us on:

Facebook Twitter LinkedIn YouTube

Archive - Archive 2004 - July 2013

Kominike Lapolis |26 March 2013

Sa madanm ki ti’n ariv pros kot lakaz son tantin letan i ti ganny atake par sa bann lisyen ti sanse akoz enn son ser ki ti la kot lakaz son tantin ti entervenir avek en baton pour tir sa bann lisyen ki ti’n antour li kot i ti’n tonbe ater.

Sa lensidan ti ganny raporte ver midi yer.
Dapre tantin sa madanm 27-an, i pa konnen pour ki sa bann lisyen.

Sa i dezyenm lensidan latak lisyen ki’n ganny raporte avek lapolis apre ki en pti fiy 15 mwan ti ganny morde par lao son lizye Lendi pase letan i ti pe zwe dan lakour en madanm kot i veye Port  Glaud.

Sa pti fiy i ankor admit lo ward zanfan Lopital Sesel kot i pe rekipere.
Dapre rapor sa lisyen ti pour en vwazen.

Lapolis pe fer lanket dan sa 2 ka, e pe egalman demann manm piblik pour annan responsibilite avek zot lisyen.

****
Sheldon Rachel ki reste St Louis in kondann 3-an prizon pour vol sennon en madanm dan son likou Beau Vallon le 14 Zen lannen pase.

****
Gerry Kamal Cedras ek Elvis Charles sorti Côte d’Or, Praslin, osi byen ki Benjamin Sandy Capricieuse ki reste  Amitié, in ganny sankenn en kondannasyon 3-an prizon pour kase e vol larzan dan biro Helicopter Seychelles Praslin an Fevriye 2009.

» Back to Archive