Prezidan i remersye bann zenn pour zot langazman anver Fondasyon Jj Spirit


05-April-2013

Tou bann ki ti resevwar sertifika dan en portre souvenir avek Prezidan Michel ek lezot envite

I ti dir sa pandan en seremoni yer apremidi kot restoran Seafront pour remersye e prezant sertifika avek bann zenn ki’n partisip dan flot sa fondasyon pour karnaval ki ti deroul an Fevriye.
Prezidan Michel in osi koz lo batiman Jj Spirit apele Espace ki pe ganny konstrir.

I ti dir ki Espace i en lespas pour bann zenn grandir e garanti lavenir Sesel.

Parmi lezot ki’n ganny prezante avek sertifika ti bann artis ki ti partisipe, bann travayer sa fondasyon, youth leaders ek sponsors.
Pandan sa seremoni en video lo preparasyon pour flot ti osi ganny montre.

Bann ki ti prezan kot sa seremoni ti tyermenn bord fondasyon Lise Bastienne, bann minis, bann manm bord, sef egzekitif fondasyon Eddie Charles e plizyer zenn.
Prezidan Michel avek Madanm Bastienne ti ganny prezante avek en kopi DVD ek sertifika.

Msye Charles ti remersye zot pour sipor ek lankourazman ki zot donn sa bann zenn e osi fondasyon.

Send your comment :

Name *

Email *

Comment *