Bazar i ede promot leritaz Sesel


30-April-2013

Viziter pe admir bann lobze kot sa bazar leritaz Sanmdi

Sa bazar, ki ti fer Domaine de Val des Près Au Cap, ti parmi bann aktivite pour mark lazournen enternasyonal pour leritaz.

En varyete pla ek manzay kreol e labwason lokal tel ki kalou ti anvant pour sa lazournen.

Ti osi annan bann diferan group tel ki trwazyenm az ki ti pe egzibit e vann bann travay lakoutir tel ki kousen, sak ek tapi ki zot in fer zot menm.
Konsey nasyonal pour bann dimoun avek dezabilite ti osi la avek en varyete prodwi artizanal.

Bann lezot keksoz ki bann viziter kot sa bazar ti kapab vwar ti bann lobze ki ti ganny servi lontan sirtou bann lobze ki dimoun ti servi dan lakwizin.

Send your comment :

Name *

Email *

Comment *