Let pour Editer-Annou azir avan i tro tar


30-April-2013

Mon bezwen fer remarke pandan sa letan ti napa transpor ki ti sirkile parey ozordi.

Sa sitiasyon i pli aparan aswar akoz i fernwanr e dimoun pa toultan konsyan sa ki pe pase. 

Dapre konpran detrwa lensidan in deza arive dan lepase ant bisiklet ek bisiklet, ant transpor ek bisiklet e Dye mersi ti napa okenn fatalite.

Mon’n deza fer konversasyon lo sa size avek zofisye lapolis, lotorite laysennsing e avek manm lo ansyen komite konsiltatif e ziska ozordi napa nanryen ki’n ganny fer pour adres sa sitiasyon.
Mon swete ki keksoz a ganny fer avan lontan pour evite ki okenn lensidan grav pa arive lo semen La Digue.

Mon sizere ki bann lazans ki enport bisiklet a pran mon konsey e demann bann faktori pour enkli laklos ek lalimyer dan le fitir kan zot fabrik bisiklet pour eksport Sesel sirtou La Digue.
Mon pe fer sa zes pour evite en sitiasyon serye pour benefis bann Digwa ek tou lezot dimoun ki vin pas en sezour lo La Digue.

La ki Prezidan fek apwent en nouvo Bord pour La Digue ti a normal si zot ti a pran sa sitiasyon anmen e fer ki sa problenm i regle enn fwa pour tou.

Benjamine Socrate

Send your comment :

Name *

Email *

Comment *