Kominike Lapolis


14-May-2013

Sa 4 sispe, 3 zonm ek en madanm aze ant 35 a 47-an, ti ganny arete kot zot ti pe reste kot en pti lotel/guest house dan distrik Mont Fleuri. Larestasyon sa 4 etranze ti vin swivan rapor par direksyon Seychelles Savings Bank konmkwa zot in dekouver ki sa bann sispe ti pe sanz fo travellers cheques kot zot brans ki baze Anse Aux Pins.

Swivan reaksyon lapolis dan en loperasyon monte kot sa bann sispe ti pe reste, lapolis ti dekouver e sezi larzan e fo dokiman ki zot ti pe servi pour defrod labank avek.

Sa 4 sispe ti ariv dan pei le 2 Me e ti sipoze kite Dimans le 12 Me.
Lapolis pe kontiny son lanket dan sa ka.

****

Lapolis in raporte ki Daniel Lespoir aze 39-an ki reste Petit Paris in kondann 10-an prizon pour lofans labi seksyel lo en fiy 17-an. Lespoir ti komet sa lofans an Avril 2011 dan rezyon lavil.

****

Allain Barry Sophola ki reste Anse Aux Pins li in ganny en kondannasyon 5-an prizon pour labi seksyel, 1-an pour bate, 6 mwan pou andomaz propriyete e en lot 1-an pour vol en madanm. Sophola ki komet sa bann lofans kont sa madanm dan lavil an avril 2006. Son term prizon pou mars separeman ki fer en total 7-an edmi antou.

****

Apre i annan Luthie Marie sorti Lari Hangard ki’n kondann 6 mwan pour mars touni e 8 mwan pour vol lenz dan en laboutik anvil an Desanm  lannen pase. Son 2 term prizon pou mars separeman ki fer li en total 1-an 2 mwan prizon.

Send your comment :

Name *

Email *

Comment *