Kominike lapolis


18-May-2013

Darrell Lawen ki reste Roche Caïman ti Merkredi ganny en santans 2-an prizon pour kas lakaz ek 9 mwan pour vole. Lawen ti komet sa 2 lofans le 21 Avril 2011 letan i ti kas lakaz e vol propriyete tel ki bizou ek manze pour en madanm dan distrik Pointe Larue.

****

Lapolis in egalman raporte ki yer Vandredi Joel Adonis ek Darren Arrisol in kondann sakenn 10-an prizon pour lofans kas batiman e vole. Pandan lannwit le 22 pour al lo granmaten le 23 Novanm 2011, en laboutik ti ganny kase Port Launay dan distrik Port Glaud kot marsandiz pour lavaler 67,000 roupi ti ganny vole. Ti annan antou 4 zonm ki ti’n ganny sarze dan sa zafer me 2 pa’n ganny trouve koupab.
Adonis ek Arrisol zot 2 zabitan Port Glaud.

Send your comment :

Name *

Email *

Comment *