Follow us on:

Facebook Twitter LinkedIn YouTube

Archive - Archive 2004 - July 2013

Dife i parsyelman detri en lakaz Pointe Larue |20 May 2013

Dife i parsyelman detri en lakaz Pointe Larue

Leta sa lakaz ki’n brile Matata Estate apre ki dife ti’n fini tenyen

Dapre Lazans Servis Tenny Dife ek Sovtaz zot ti ganny alerte ver 12er15 bomaten e trwa kanmiyon tenny dife avek 9 zonm ti ganny deplwaye dan landrwa kot dife ti’n pran pour donn lasistans. Ler zot ti ariv lo scene dife ti’n fini anvair sa lakaz e bann zofisye ti fer le neseser pour met sa dife anba kontrol pour anpese ki i propaz dan en lot lakaz ki atase avek.
Dapre sa msye ki ti pe reste dan sa lakaz, li, son madanm  ek en pti baba ti pe dormi ler dife ti pran.

«Mon ti  tann en pete, mon ti panik e ler mon ti ouver laport lasanm mon ti vwar dife ti’n fini penetre e sel fason sorti  ti par lafnet par deryer,» sa msye ti rakonte.

Demars pe ganny fer  pour ganny en lot landrwa reste pour sa fanmir, me pour lemoman zot in ganny eberze dan en guesthouse.
Ti pran bann zofisye tenny dife anviron 1 erdtan pour kapab tenny sa dife konpletman.

Swivan sa lensidan sa lazans pe ankor enn fwa demann manm piblik pour pran plis prekosyon kont dife e pe ankouraz tou dimoun pour omwen enstal en detekter lafimen dan zot lakaz ki ava alert zot de ki en dife i komanse.

» Back to Archive