Resers i kontinyen pour retrouv Terry Jules |22 May 2013

Msye Jules, ki en zabitan Anse La Mouche ti ganny raporte manke apre ki son Terios Jeep ble ti ganny trouve obor semen pre avek Reef Holiday apartments ver 8er diswar Dimans.

Serten son bann keksoz ti ganny trouve dan son transpor e son telefonn ti ganny vwar lo semen pre avek son transpor, e serten son lenz ti ganny ramase dan lanmer Lendi apremidi par bann zofisye Gard Lakot ki pe asiste avek sa resers.

Resers pour retrouv sa zonm 34 an in kontinyen yer e pour kontinyen ozordi pour esey retrouv Msye Jules.
Lapolis pe fer en lanket dan sa ka antretan ki resers pour retrouv Msye Jules i kontinyen.