Aksidan ki ti koz lanmor Olivier Monthy Sanmdi pase-«Mon pa ti’n park, se sa loto ki ti tap deryer mon pick-up»


24-May-2013

Sa i remark fer par Darrel Antat avek zournal Nasyon yer. Darrel i drayver sa pick-up ki dapre temwen ti’n park e posibleman koz lanmor Olivier Monthy, en zonm 47-an, Sanmdi apremidi Beau Vallon.

«I annan bokou dimoun ki dir mon ti’n park mon pick-up e se sa ki’n kapab koz sa aksidan. Sa i fo e mon pe ganny akize pour nanryen. Mon ti sorti anvil e pe al Beau Bel. Ler mon ti ariv Beau Vallon mon ti tann tape deryer mon pick-up e se la ki mon ti arete pour gete ki pe arive,» Darrel ti dir zournal Nasyon yer.

Nou a rapel ki Msye Monthy ti mor Sanmdi apremidi Beau Vallon apre ki i ti perdi kontrol son loto, en Peugeot, ki ti al tap avek en poto elektrik.

Sa aksidan ti ariv devan Kannu’s Shopping Centre avan stasyon petrol Beau Vallon.

Lapolis ti konfirmen ki ti ver 3er05 Sanmdi apremidi ki Msye Monthy ti ganny sertifye mor Lopital Sesel.
Sa ti 3enm aksidan fatal pour sa lannen.

Send your comment :

Name *

Email *

Comment *