Follow us on:

Facebook Twitter LinkedIn YouTube

Archive - Archive 2004 - July 2013

En lot santener i selebre son lanniverser |06 June 2013

En lot santener i selebre son lanniverser

Madanm Sangol apre ki i ti’n resevwar son shield avek Minis MeritonDimans le 26 Me i ti selebre son lanniverser e zour Fet Dye, le 30 Me, son bann pros osi byen ki lasosyasyon 3enm Az, group veteran e biro ladministrasyon distrik Anse Royale ti zwenn ansanm pour fer en pti lafet lanniverser pour li.

Apre en pti benediksyon e mo lankourazman par pret laparwas Per David Alcindor, swe bonn sante e bon aniverser par tou sa ki ti prezan, minis responsab pour devlopman kominoter, Msye Vincent Meriton, ti felisit sa madanm pour kapab ariv sa laz e prezant li avek en shield parey i tradisyon konmela.

Madanm Sangol, ki ankor byen for pour son laz, i reste avek enn son garson e son carer ki pran swen avek li, Fatima Kilindo, ti osi la pour swet li bonn fet.

Fatima i dir sa madanm i ankor kapab pran son ben e fer son bann pti tripo limenm e sa i enkli rakomod son bann lenz akoz i ankor war byen kler.

«I menm kapab get televizyon san met linet,» Fatima i dir.
I ti osi azoute ki apard bann vizit routin ki ners i fer kot li, Madanm Sangol rar i malad e i pa lo okenn tretman.

Fatima i dir sa madanm i kontan manz bokou son bann gro manze e preski toulezour i fer sir ki i fer li rode e prepare pour li.

«I toultan dir mwan ki son gro manze ki’n fer li arive viv ziska sa laz,» Fatima i dir.

» Back to Archive