Zanfan lekol i vizit Lekspozisyon Nasyonal


19-June-2013

En group zanfan lekol pe vizit enn bann stòl dan lekspozisyon

Kontrerman avek sa ki bann partisipan ti pe panse, ver 11er bomaten viziter ti konmans ankonbre landrwa. Se plito bann zanfan lekol ki ti’n vin vizit lekspozisyon.
Bann zanfan ti sorti lekol parey La Retraite, Mont Fleuri e Plaisance. Se zot bann ansennyan ki ti’n organiz sa vizit.

Bann zanfan ti vreman eksite pour vwar bann diferan stòl e zot ti pli eksite pour vwar stòl Air Seychelles akoz dan stòl zot ti kapab vwar bann diferan avyon e menm zot ti kapab zwe ‘flight simulator’.

Zot ti osi kapab zwe lo bouncy castle kot stòl Dan’s Enterprise.
Byen atantivman bann zanfan ti ekout bann zofisye Lakrwa Rouz ki ti pe eksplik zot lo bann prosedir premye swen ki ou donn en dimoun dan en ka irzan.

E partou kot bann stòl ki ti annan en lekran ki demontre travay sa bann partisipan ou ti kapab vwar bann zanfan pe regarde.

Apre zot letour dan bann stòl bann zanfan ti al pran repo deryer stad obor stòl STC kot bann mizisyen ti pe egey zot avek bann sanson tradisyonnel.

Send your comment :

Name *

Email *

Comment *