Lasanble zenn i aprouv kat mosyon relye avek ledikasyon


11-July-2013

Bann zenn manm onorab pandan zot rankont Sanmdi


Premye mosyon ti pe rekonmande ki Minister Ledikasyon i fer en letid kot tou bann pos-segonder  baze lo polisi minister an sa ki konsern bann zenn etidyan ki tonm ansent pandan ki zot pe pourswiv zot letid.

Loter mosyon, zenn onorab Tania Adrienne, i dir ki zenn i devret pe kapab konn son priorite anmenmtan ki sa minister i fer li son devwar pour ed bann ki dan en tel sitiasyon pour kontiny son letid pandan oubyen apre nesans son baba.

En lot mosyon ki ti ganny propoze par Petra Aimable ti pe propoze ki Minister Ledikasyon avek lakonpannyen transpor piblik (SPTC) i revwar zot plan bis pour etidyan lekol spesyalman pour etidyan pos-segonder.

Mosyon par zenn onorab Murielle Cafrine ti pe rekonmande ki sa menm minister i ranforsi zefor pour travay lo staff retainment plan espesyalman pour bann zenn ansennyan.

Ziggy Adam, ki osi Speaker sa lasanble, ti osi prezant en mosyon. I ti pe demande ki departman ki responsab pour sekirite lakour lekol i pran linisyativ pour met anplas en nouvo progranm sekirite kot bann lekol, pli spesifikman bann lekol segonder.

Apre ki bann mosyon ti’n ganny debat lo la e segonde, bann manm ti donn zot laprouvasyon.

Send your comment :

Name *

Email *

Comment *