Follow us on:

Facebook Twitter LinkedIn YouTube

Archive - Archive 2004 - July 2013

Marguerite Hoareau i selebre son 103-an |13 July 2013

Marguerite Hoareau i selebre son 103-an

Antoure par son fanmiy e zanmi, Madanm Hoareau ti selebre son 103enm lanniverser Madanm Hoareau zour i ti selebre son 103-anMerkredi. En laz ki bokou nou ti a swete selebre.

Madanm Hoareau, ki reste ek son fiy Cecil Hoareau, i ankor ase for pour son 103-an.  Apre benediksyon donnen par Per Edwin Mathiot, konseye speyal pour Devlopman Kominoter dan Minister Zafer Sosyal, Devlopman Kominoter ek Spor, Dan Frichot, ti prezant Madanm Hoareau avek en pti tokenn lo lapar Prezidan Larepiblik Msye James Michel.  Manm Lasanble Nasyonal pour distrik St Louis Herbert Houareau ti osi prezan kot sa seremoni pour prezant Madanm Hoareau avek en pannyen ranpli avek diferan keksoz. Osi prezan ti ladministrater distrik St Louis Madanm Claudy Mathiot.

Ler Madanm Hoareau ti ganny demande pour eksprim son santiman anver selebrasyon son 103enm lanniverser i ti annan sa pour dir : «Mon remersye Bondye ki mon’n ariv sa laz, i pa’n fasil me se avek bokou pasyans ek travay dir ki mon la ozordi. Mon’n tonbe leve, me selman mon remersye Bondye.» 

Konpare avek oparavan kot Madanm Hoareau ti kontan pas letan dan son zarden, i plito repoz bokou konmela akoz son kondisyon fizik pa permet li pour mouvmant en kantite parey avan. 

Madanm Hoareau ti ne le 10 Zilyet 1910, e i ti annan li set zanfan – parmi senk i ankor vivan.  I osi annan 20 pti zanfan, 32 ayer pti zafan and 14 pti zanfan bizael.

Son manman, Aline Amelie Houareau,  ti viv ziska 109an e 7 mwan e son ser Fulgencia Amelie  ti osi viv pour vwar son 100enm lanniverser. Sa i prouve ki fanmiy Madanm Hoareau i bann dimoun ki viv pour bokou lannen !

» Back to Archive