En nouvo progranm pour promot zenn antreprener


18-July-2013

Madanm AristideYouth Buzz i en progranm ki ti ganny lanse par sa konsey an Mars sa lannen pandan 15enm lanniverser sa konsey.

Lyanne Aristide, ki zofisye lyezon kot sa konsey, ti koz avek medya sa semenn lo sa nouvo progranm.
I ti dir ki lansman en tel progranm i anliny avek kanpany ‘Leve debrouye’.

Madanm Aristide in dir ki premye edisyon sa progranm pou ganny fer pandan de zour pandan mwan Out – sa i le 30 e 31 Out – pandan Festival Lazenes.

I ti azoute ki avek led Lazans pour promosyon bann pti biznes (Senpa), sa aktivite pou ganny organize pour ki bann zenn a ganny sans vin vann e montre zot bann prodwi ek servis. Sa aktivite pou ganny fer kot Camion Hall.

Madanm Aristide in dir ki pour le moman zot in annan en group 20 zenn ki’n deza montre lentere pour partisipe.

In osi dir ki pou annan en laspe konpetisyon dan sa premye edisyon Youth Buzz kot tou bann zenn antreprener pe ganny envite pour partisipe.

Sa konpetisyon pou ganny divize an trwa kategori − zenn ki annan en lide biznes e ki’n deza fer en plan pour sa biznes, dezyenm kategori i pour bann zenn ki dan biznes pour mwens ki 2-an. Trwazyenm kategori i pour bann zenn ki dan biznes ant 3-an a 5-an.

Send your comment :

Name *

Email *

Comment *