Kominike lapolis


20-July-2013

Lapolis in raporte ki yer anviron 10er40 bomaten zot ti ganny enformen lo en lensidan kot en lateras ti’n  degrenn lo 2 zonm nasyonalite Endyen.
Sa lensidan ti ariv lo en sit konstriksyon kot en propriete prive Green Estate, Anse Aux Pins.

Viktim sa lensidan se Balu Kunaselvan aze 28-an e Pravin Ramjee Halei aze 25-an ki ti pe travay pour en lakonpannyen konstriksyon lokal apele ‘KDC construction’ ki baze Les Mamelles.

Ler lapolis ti ariv lo sa sit kot sa lensidan ti’n arive, sa de viktim ti’n deza ganny transporte kot klinik Anse Aux Pins kot Kunaselvan ti ganny sertifye mor tandis ki Pravin Ramjee Halei ki ti plitar ganny transporte Lopital Sesel, li in ganny admit avek 2 lipye kase.
Lapolis pe fer lanket dan sa lensidan.

Send your comment :

Name *

Email *

Comment *