Piblik i konn plis lo bann loportinite lanplwa |26 October 2013

Manm piblik in ganny sans konn plis lo bann loportinite lanplwa dan bann diferan lorganizasyon prive e osi bann minister, departman ek lazans gouvernman.
Sa ti atraver en job fair ki ti deroul kot Liniversite Sesel Anse Royale depi 10er bomaten ziska 4er apremidi.

Sa job fair i en linisyativ Minister Lanplwa ek Devlopman Resours Imen, komite tenm nasyonal ansanm avek bann diferan partner.

Ler ki nou lekip ti ariv kot sa aktivite ti pe deroule ti annan bokou etidyan segonder, pos-segonder parmi bann lezot manm piblik ki ti pe vizit bann stalls ki sak lorganizasyon ti’n monte.

Minis pour Lanplwa ek Devlopman Resours Imen ti pe osi pas kot bann lorganizasyon ki ti pe partisip dan sa aktivite.

Manm piblik ki ti pas laba ti ganny sans konn plis lo bann loportinite lanplwa ki annan dan sa bann lorganizasyon, lo zot vizyon, rol, parmi lezot lenformasyon.
Zot ti osi kapab anpli form laplikasyon pour en lanplwa.

Etidyan ensi ki lezot manm piblik ti montre bokou lentere dan sa job fair