Follow us on:

Facebook Twitter LinkedIn YouTube

Archive -Seychelles

Prezidan Rene i selebre son lanniverser dan son distrik |19 November 2013

Apre en premye rankont avek bann dimoun aze dan zarden State House Merkredi pase e en lot kot Lospis North East Point Vandredi, ansyen Prezidan France Albert Rene, ki ti ganny 78-an Sanmdi, ti fet son lanniverser avek lezot dimoun aze dan son distrik Grand Anse Mahé Dimans apremidi.

Sete Manm Lasanble Nasyonal pour sa distrik Onorab Lenny Lebon ki ti akey Prezidan Rene dan Sant Biodiversite Barbarons kot sa enn rankont, ki ti’n organize par brans Lig Lazenes Parti Lepep Grand Anse, ti fer.

Osi prezan ti ansyen Vis-Prezidan Joseph Belmont, ki osi en zabitan Grand Anse, e manm komite santral Parti Lepep pour sa distrik Minis Christian Lionnet.

Minis Lionnet ti dekri sa levennman koman en lokazyon gratitid anver Prezidan Rene, pour remersye li pour tou sa ki i’n fer pour Seychelles ek Seselwa.

“Lannen prosenn pou fer 50-an depi ki Prezidan Rene ti kre parti SPUP. A laz selman 28-an, pandan ki bokou parmi nou ti pe mazin nou prop lekor, Prezidan Rene li ti pe deza mazin lavenir e byennet pep Seselwa,” Minis Lionnet ti dir.

Pour mark sa lokazyon, Prezidan Rene ek son fanmiy ti plant en pye koko-d-mer dan sant Biodiversite. I donk senkyenm personalite pour plant en pye dibwa dan sa zarden. Lezot personalite ki’n fer sa avan li i Prezidan James Michel, Premye Minis Maurice Navinchandra Ramgoolam, Prezidan Komisyon Linyon Afriken Nkosana Dlamini Zuma e Prezidan Sri Lanka Mahinda Rajapaksa.

Pandan lapremidi, bann envite ti anmize e danse avek lanmizik tradisyonnel ofer par Latroup Kiltirel Nasyonal.

» Back to Archive