Zanfan Bel Air i selebre Nwel |24 December 2013

Bann zanfan aze ant 2 a 4-an dan distrik Bel Air ti zwenn Dimans apremidi dan Sant Kominoter sa distrik pour selebre Nwel atraver en pti parti ki ti’n organize par Ladministrasyon Distrik.

Bann zanfan ti akonpannyen par zot paran. Manm Komite Santral Parti Lepep pour Bel Air Minis Vincent Meriton, Manm Lasanble Nasyonal Onorab Nichole Barbé, Ladministrater Distrik Madanm Alexandrine Zelia, bann volonter ek sponsor ti’n osi deplase pour pas sa moman spesyal avek bann zanfan. Bonnonm Nwel ti osi prezan pour li donn sak zanfan en kado.

Madanm Zelia in eksplike ki sa parti i en fason pour montre swen, proteksyon ek lanmour pa zis pour zanfan me pour tou zabitan Bel Air.  

I ti azoute ki Ladministrasyon Distrik Bel Air avek kolaborasyon son bann partener i annan lentansyon montre sa lespri pa zis pour letan Nwel, me toudilon lannen.