En gran lafoul i akey 2014 dan Street Party |03 January 2014

Letan en lannen pe terminen, bokou dimoun i fete swa dan lakour, dan bann landrwa piblik e ansanm zot akey en nouvo lannen.

Me pour plizyer lannen, en gran lafoul dimoun i ralye dan Victoria pour sa ki nou apel en Street Party.

Tou ti komans avek en spektak mizikal avek bann artis tre popiler tel ki Sandra, Jahkim, Travis e plizyer lezot ankor.

Sa ti fer dan car park Stad Popiler e letan nou lekip ti ariv laba, lanbyans ti so.

Bokou dimoun ti’n desann e ti pe sante e danse pandan ki bann artis ti pe performen lo lasenn.

Zis detrwa minit avan minwi, countdown ti komanse e byensir sanson tre popiler ‘Ozordi Lannen’ ti rezonnen dan Victoria zis minwi pour akey sa nouvo lannen e dir orevwar 2013.

Bann portre ki swiv i montre en pe lanbyans pandan sa Street Party.