En total 365 ka dife in ganny rikorde an 2013 |10 January 2014

Lazans servis tenny dife ek sovtaz in dir ki in annan mwens ka dife pandan lannen 2013 konpare avek an 2012.

En total 365 lensidan dife ti ganny rikorde lannen pase konpare avek 381 an 2012.

Sa lazans in rikord en logmantasyon dan bann dife lafore ki’n sorti 93 ka an 2012 pour vin 104 ka an 2013.

Lo kote bann dife dan bann landrwa domestik e bann batiman, ti annan en rikord 25 ka an 2013 konpare avek 22 an 2012.

Me konpare avek 2012, in annan en rediksyon dan kantite ka dife loto e bann lezot lensidan dife tel ki dife dan bin e bann ka dirzans.

Mwan Out ti mwan ki sa lazans in anrezistre plis ka dife tandis ki mwan Fevriye ti annan mwens.

An Out in annan 38 ka dife brousay ou lafore, de ka dife lakaz ouswa batiman, en ka dife dan loto, en ka dife bato, senk ka aksidan loto kot sa lazans in entervenir, en ka dife an rezilta fot elektrik, de ka lezot lensidan dife e en ka dirzans.

Sa lazans in osi anrezistre nef ka fos alert ( false alarm) konpare avek de ka an 2012.

Manm piblik pe ganny demande pour vin pli serye lo sa kote akoz i kout bokou pour deplas bann zofisye ek lekipman.

Sa lazans in osi fer resorti ki kou aproksimatif dega an 2013 i ariv en total R31,337,400.

De parmi bann lensidan dife ki ti arive lannen pase