Follow us on:

Facebook Twitter LinkedIn YouTube

Archive -Seychelles

Departman Zafer Sosyal i siport Konsey Nasyonal pour Dimoun avek Dezabilite |16 January 2014

Departman Zafer Sosyal in ankor en fwa renouvle son soutyen pour bann dimoun ki pe viv avek dezabilite.
 
Sa ti vin atraver en vizit ki Minis pour Zafer Sosyal, Devlopman Kominoter ek Spor Vincent Meriton ti fer kot Sant Reabilitasyon North East Point Lendi apremidi.

Minis, ki ti akonpannyen par son sekreter prensipal Madanm Linda William-Melanie, ti ganny akei kot Sant Reabilitasyon par tyermenn Konsey pour Dezabilite Madanm Patricia René ek lezot manm staf.
 
Apre en pti vizit otour bann fasilite ki egziste laba, Minis Meriton ti dakor pour rod finansman pour reparasyon en pti batiman e transform li dan en sant letid e en pti bibliotek pour sa sant.
 
Pour fasilit deplasman bann pasyan dan fotey roulan, minis in osi dakor pour ede konstrir en semen beton ant sa batiman ek batiman prensipal.

Portre ki akonpanny lartik i montre Minis Meriton lo son vizit Lendi kot Sant Reabilitasyon North East Point.




 

» Back to Archive