Dife i detri en lakaz Cascade |17 February 2014

En lakaz ki sitie obor semen dan distrik Cascade in konpletman detri par en dife Sanmdi bomaten.

Letan ki nou lekip ti ariv laba, sa dife ti’n fini ganny met anba kontrol par Lazans Servis Tenny Dife ek Sovtaz, ki ti enkli bann zofisye ki baze kot erport.

Dapre en temwen ki reste dan sa zanmerant, sete letan ki i ti pe fer son louvraz kot son lakour ki i ti apersevwar lafimen nwanr dan sa pti lakaz, ki’n ganny konstrir an tol.

I ti esey pran rakor pour tenny sa dife dan sa lakaz, ki a sa moman ti napa personn ladan.

Ordinerman, i annan en msye ki reste dan sa lakaz li tousel.

Semen dan sa zanmerant ti’n fermen pour les bann travayer lazans tenny sa dife avan ki i koz domaz lo lezot popriyete ki pre.