Kominike Lapolis |22 July 2014

Lapolis in raporte ki en zonm 60-an ki reste North East Point  ki ti’n ganny rimann ziska le 16 Zilyet 2014 pour lofans labi seksyel lo en fiy anba laz, in repas devan Lakour Mazistra sa semenn kot in reganny rimann safwasi Prizon Montagne Posée ziska le 30 Zilyet 2014 zour ki i pou repas ankour.

*****
En zonm 43-an ki reste Roch Lane ti pas devan Lakour Siprenm le 17 Zilyet 2014 kan i ti ganny rimann ziska le 30 Zilyet zour ki i pou repas ankor devan lakour. Parmi lezot lofans, sa zonm i sispe pour rantre dan lakaz de azan NDEA Le Niole le 3 Zilyet 2014 e fer dimal grav en manm fanmiy sa de azan.

*****
En zonm 21-an ki reste Copolia ki ti’n ganny rimann ziska Vandredi, in repas ankour e ganny large lo en kosyon  3000 roupi. Lakour in osi enpoz serten kondisyon lo li ziska ler i repas devan Lakour le 3 Septanm 2014.

*****
Trwa zenn garson avek en zenn fiy ti ganny admit admit lo ward Lopital Sesel apre ki drayver ti perdi kontrol loto ki zot ti ladan e kit semen Glacis. Kondisyon sa 4 dimoun in ganny dekri koman stab. Sa aksidan ti ganny raporte kordgard Glacis ver 10er20 Vandredi swar.