Kominike Lapolis |29 July 2014

Lapolis in raporte ki sispe dan aksidan ki ti koz lanmor konstab Erickson Jules ti pas devan Lakour Mazistra yer bomaten e in ganny rimann ziska le 8 Out.
 
Sa zonm 24-an i reste Foret Noire e non pa La Louise parey ti’n ganny raporte oparavan.  Lapolis antretan pe kontiny zot lanket dan sa ka.

Konstab Jules ti mor granmaten Dimans le 27 Zilyet apre ki loto ki sa sispe ti pe dray ti tap li. Konstab Jules ti’n aret sa transpor e aparaman drayver ti’n ralanti me apre demare e tap konstab Jules. Sa lensidan ti ariv apre 11er diswar Sanmdi le 26 Zilyet lo Laveni Bois de Rose.

 
****
En zonm aze 35-an ki reste Au Cap ti pas devan Lakour Mazistra yer e in ganny rimann ziska le 1 Out zour ki i pou repas ankor devan lakour. Sa zonm i sispe pour resevwar propriyete vole. Sa lofans ti ganny konmet pandan mwan Zen a Zilyet.
 
****
En zonm 19-an ki reste Au Cap ti yer ganny rimann ziska le 1 Out zour ki  i pou repas ankor devan lakour. Sa zonm i sispe dan en ka vole dan landrwa travay.
Sa lofans ti ganny konmet pandan mwan Zen a Zilyet.