Follow us on:

Facebook Twitter LinkedIn YouTube

Archive -Seychelles

Kominike Lapolis |03 September 2014

Lapolis in raporte ki en zonm 28-an ki reste Takamaka in pas ankour koman sispe dan lensidan fer menas vyolans, andomaz propriyete osi byen ki lofans bles son kanmarad.

Lakour in ordonn sa sispe pour pey en kosyon 4000 roupi pour li ganny large sinon i pou ganny rimann ziska le 16 Septanm zour ki i pou repas ankour.
Sa 3 lofans ti ganny komet kot en laboutik Takamaka le 31 Out.

*********

Lapolis in  egalman raporte ki en zonm 48-an ki reste Anse aux Pins in pas ankour e ganny rimann ziska le 16 Septanm zour ki i pou repas ankour. Sa zonm i sispe dan ka labi seksyel lo son fiy 13-an.

Sa lensidan ti ariv pandan lannen 2011 a 2014, e ti ganny raporte avek lapolis Lendi.

Sa sispe ti ganny arete Lendi menm apre ki rapor ti’n ganny fer.
 

» Back to Archive