Follow us on:

Facebook Twitter LinkedIn YouTube

Archive -Religion

Lakoral Dimans legliz St Antoine an pelerinaz Moris |13 September 2014

Lakoral Dimans legliz Anse Etoile ti organiz en pelerinaz Moris depi le 20 ziska le 27 Out 2014 avek bi aprofondir zot lafwa kretyen e akimil otan konesans lo bann lye Sen dan Moris.

Pandan zot sezour, bann manm sa lakoral ti ganny lokazyon pour anim de lanmes – enn dan legliz Ste Croix e lot dan legliz St Patrick.  Bann dimoun dan sa de parwas ti eksprim zot lapresiasyon, sirtou lefe ki Per Richard, ki ti akonpany sa group, ti selebre lanmes pour bann krwayan Morisyen.

Bann manm lakoral i dir ki ti pas frison lo zot ler zot ti vizit bann lye Sen, sirtou kot Notre Dame du Grand Pouvoir, e sa ki ti tous bann manm plis sete  koman zot ti poz zot lipye devan legliz La  Visitation ki sitiye Vacoas, laklos legliz  ti sonnen pour Lanzelis (l’Angélus, la première du midi) san ki okenn manm group ti pe port atansyon ki midi ti pe al sonnen.

Group in osi ganny sans al fer lezot vizit tel ki kot Gran Gasen e laba ti annan bokou dimoun ki ti pe priy Bondye. «Ti vreman enkrwayab», en mann sa group ti dir avek zournal Nation.

Sa pelerinaz ti vreman byen e bann manm sa lakoral in anrisir zot konesans e zot annan bokou propozisyon pour lavenir sirtou lo nivo spirityel. Bann manm sa group in osi agrandir sa lanmour parmi zot. Zot in osi annan plis latolerans ek respe anver kanamard.

Zot oule remersye tou dimoun ki’n ede dan en fason ou en lot pour ki zot in arive realiz zot proze.

Nou prezant zot serten portre ki bann manm sa lakoral ti tire pandan zot sezour Moris.

 

 

 

» Back to Archive