Aste ou tiket lotri Regatta! |15 September 2014

Regatta, sa levennman anyel organize par lorganizasyon ‘Round table’ e ki ranmas larzan pour lasarite pe aprose. I pou annefe deroul dan ankor zis de semenn, pandan wikenn le 26 a 28 Septanm lo lans Beau Vallon.

Apard bann aktivite ki enkli konkour Mis e Msye Seychelles, spektak lanmizik e en varyete spor delo sale, enn bann pli gran latraksyon i san dout lotri Regatta.

Sa lannen, ‘Round Table’ pe ofer ou en ventenn pri enteresan ki konpri tiket avyon, lekipman elektronik, wikenn dan lotel, dinen eksetera. Pli gro pri oubyen ‘star prize’ i en ‘jeep’ Honda CRV ki kout 685 mil Roupi!

Si ou pa ankor aste ou tiket, pa tarde pour fer li e kontribye anver en bon lakoz. Tiket i an vant dan plizyer landrwa lo Mahe, Praslin ek La Digue e osi avek bann manm ‘Round Table’.

En pwen santral kot ou kapab aste ou tiket se dan Orion Mall Victoria, kot ou osi kapab vwar sa zoli loto Honda ki kapab vin pour ou Dimans le 28 Septanm 6er diswar, ler ki tiraz lotri pou fer.

Regatta i sa levennman ki atir bokou dimoun lo lans Beau Vallon.  Pa manke pour aste ou tiket lotri e tant ou sans pour ganny sa ‘jeep’ Honda CRV