Kassav pou Sesel pour Festival Kreol |18 September 2014

Group Kassav pou retourn ankor enn fwa Sesel alokazyon 29enm edisyon Festival Kreol depi le 24 ziska le 31 Oktob.

Dapre bann organizater, sa group Martinike pou ariv le 24 Oktob e zot pour met lanbyans menm zour pandan louvertir ofisyel sa festival e lannmen, Sanmdi le 25 Oktob, zot pour donn en spektak live.

Alors zot kabap konmans reekout bann sanson parey Zouk La Sé Sél Médikaman Nou Ni, Syé Bwa, Wép, Soleil, Maman Kréyol, Mwen Alé, Fabiola ek Ba Nou Zouk La an preparasyon pour sa gran konser.

Dernyen fwa ki group Kassav ti performen isi Sesel ti an 1991 e depi sa zot in perdi enn zot manm, Patrick St Eloi ki ti mor a laz 52-an le 18 Septanm 2010 an rezilta en kanser

Sa group mitik ti formen an 1979 Paris, an France. Bann lezot manm i Jocelyne Béroard, Jacob Desvarieux, Jean-Philippe Marthély, Jean-Claude Naimro, Georges Décimus ek Claude Vamur.