Kominike lapolis |22 September 2014

Lapolis in raporte ki in konmans en lanket apre ki en zonm aze 54-an ki reste Au Cap, Mahe, ti Sanmdi bomaten ganny transporte Lopital Baie Ste Anne, Praslin e plitar ganny transporte Lopital Sesel kot in ganny admit D’Offay Ward.

Sa i apre ki sa zonm ti’n ganny tape avek en bato letan ki iti pe naze obor lotel Dhevatara, St Joseph, Praslin pa tro lwen avek lans ver 8er45.
Sa viktim in kas son lazanm kote drwat e in osi ganny koupe lo son lebra ek pous kote drwat.

Dapre rapor sa bato ki ti tap sa viktim ti en bato ‘fibre glass’  e ti pe ganny anmennen par en zonm 20-an ki reste Amitié, Praslin. Sa zonm i an detansyon Lapolis.