Lasanble Nasyonal i aprouv de mosyon |24 September 2014

Lasanble Nasyonal in aprouv de mosyon pandan son sesyon travay yer, Mardi le 23 Septanm.

Bann manm ti dabor aprouv en estimasyon siplemanter pour regilariz en depans total 224,192,597 roupi ki en eksedan bidze ki’n aprouve pour sa lannen.

Lasanble Nasyonal ti osi aprouv en mosyon prezante par manm elekte pour Anse Boileau Onorab Bernard Arnephy, ki ti demande ki gouvernman avek bann partener i entansifye zefor pour ankouraz tou dimoun ki kapab travay pour pran en lanplwa desan, ankouraz etik dan travay, e annan en plan konpreansiv pour promot stratezi apropriye pour ede redres sitiasyon lesefer dan landrwa travay.