Let pour Editer - Konpran li byen |30 October 2014

Fodre ki nou konpran kritik Msye Patrick Victor kan i ti dir dan en progranm 'Bonzour Sesel' ki nou devret protez nou kiltir kreol e evite par egzanp servi en pake mo angle kan i pa neseser sakfwa ki nou koz kreol.

Sa i pa vedir ki en mo sorti dan en lot langaz pa kapab ganny servi. Annefe, pour donn en legzanp, i annan serten mo franse parey 'raison -d'être', 'nuance', 'dénouement', 'savoir-faire', 'rapport', 'fracas', 'en route' e bokou ankor ki'n antre dan vokabiler angle e ki ganny servi. An kreol osi, nou kapab 'pret' ennde mo sorti dan en lot langaz. Napa nanryen mal avek sa. Sa ki Msye Patrick Victor pe dir nou senpleman se ki nou pa merit abize e les tro bokou mo angle anvai nou lalang kreol si sak fwa ki nou koze nou bezwen met angle ladan kan son bann mo ekivalan i egziste an kreol.

Fodre ki nou merit konpran ki kan nou koz angle, nou koz li byen. Kan nou koz franse, nou koz li byen e kan nou koz kreol nou devret osi koz li BYEN. Akoz non...

John L. Adam