Follow us on:

Facebook Twitter LinkedIn YouTube

Archive -Brief

Kominike Lapolis |28 November 2014

 

 

 

Lapolis in raporte ki lanmor Damienne Morel, sa madanm 49-an ki ti ganny atake britalman dan son lakaz Mardi granmaten, i rezilta sennyman sever swivan blesir ki i ti sibir pandan sa latak.

Madanm Morel ti ganny atake par de zonm maske ki ti’n fors zot larantre dan son lakaz La Retraite.

Dan sa menm lensidan, fiy Madanm Morel, aze 20-an, ti osi ganny blese e i pe rekipere Lopital Sesel.

Lapolis pe kontiny zot lanket dan sa ka e ziska prezan napa okenn larestasyon formel ki’n ganny fer.

******

Lapolis in raporte  ki en zonm aze 22-an ki reste Le Niole in pas devan Lakour Mazistra kot in ganny formelman sarze e rimann ziska le 9 Desanm 2014, zour i pou respas devan lakour. Sa zonm i sispe dan de ka kas lakaz e vole e osi en ka vol ki’n arive dan distrik Beau Vallon ek Anse Aux Pins pandan mwan  Novanm 2014.

******

En zonm 45-an ki reste Union Vale in pas devan Lakour Mazistra kot  in ganny rimann ziska le 28 Novanm 2014 kan i pou repas devan lakour. Sa zonm i sispe dan en ka kot en madanm ki osi reste Union Vale dan menm lakaz ti ganny gravman blese Sanmdi le 15 Novanm 2014 pandan en bagar kot zot lakour.

 

 

 

» Back to Archive