Kominike Lapolis |11 February 2015

Lapolis in raporte ki rezilta letopsi fer lo lekor Michel Hoareau, sa zonm 47-an ki ti ganny sertifye mor Lopital Sesel Zedi pase, in demontre ki ti napa okenn aksyon malisye dan son lanmor.

Son lekor ti ganny trouve kot son lakour par en manm son fanmiy le 4 Fevriye 2015.  

********
Lapolis in raporte ki en zonm 22-an ki reste Grand Anse Mahé, ti pas devan lakour  mazistra Lendi e ganny sarze pour 3 diferan lofans kas lakaz e vole raporte arive pandan mwan Zanvye 2015 dan distrik Mont Fleuri ek Anse Boileau.

Sa akize in reganny rimann ziska le 23 Fevriye 2015 zour ki i pou repas ankour akoz i  pa’n kapab pey en kosyon 30,000 roupi – 10,000 roupi pour sak lofans – konman kondisyon enpoze lo li par lakour pour son liberte provizwar.