Kominike Lapolis |27 March 2015

Lapolis in raporte ki lanket ki zot pe fer dan lensidan kot en madanm Alman 27-an ti ganny vyole anba menas en kouto lo lans La Pointe, Praslin Dimans tar bomaten in anmenn zot pour aret en lot zonm.

Sa sispe aze 29-an e ki reste Koko Rouz Estate, Praslin ti ganny arete boner Mardi apremidi.
 
I ti ganny anmenn ankour Merkredi apremidi e in ganny rimann pour repas ankour Merkredi prosen.

Antretan lapolis pe fer prosedir avek lakour pour larg sa zonm 49-an sorti Grand Anse, Praslin ki ti’n ganny arete e ti pe rimann an relasyon avek sa lensidan.