Gannyan konpetisyon ‘Sesel Enspir Mwan’ i resevwar zot pri |31 August 2015

Bann gannyan edisyon 2015 konpetisyon ‘Sesel Enspir Mwan’ ki organize par Konsey Nasyonal Lazenes (SNYC), ti resevwar zot pri Zedi swar.

Sa ti pandan en spektak kot Sant Konferans Enternasyonal (ICCS), dan lekel serten gannyan ti ganny sans perform zot bann morso devan Vis-Prezidan Danny Faure, ki osi minis responsab pour lazenes.

Sa spektak ek prezantasyon pri ti form parti bann aktivite Festival Lazenes ki’n terminen yer.

‘Sesel Enspir Mwan’ i en konpetisyon artistik anyel ki enkli lapwezi, zistwar kourt, sanson ek lapentir. I ouver pour bann zenn dan trwa diferan kategori laz -- 15 a 17-an, 18 a 24-an e 25 a 30-an.

Se Nathalie Brutus, en fidel sa konpetisyon e en partisipan aktiv dan bann aktivite lazenes, ki ti sorti avek plis pri. I ti resevwar premye pri pour zistwar kourt e dezyenm pri pour lapwezi dan kategori 25 a 30-an.

Jerris Joliecoeur ti gannyan konpetisyon lapwezi pour menm kategori, alor ki Merna Eulentin ti trwazyenm. Vanessa Marie ek Jennifer William ti respektivman dezyenm e trwazyenm dan konkour zistwar kourt pour bann zenn 25 a 30-an.

Touzour dan menm kategori, se Doris Nouricce ki ti venker dan lapentir, devan Jeff Lesperance ek Danielle Stravens.

Bann lezot gannyan edisyon 2015 konpetisyon ‘Sesel Enspir Mwan’ i konm swivan :

Lapoezi (15 a 17-an) : 1e Jill julienne, 2enm Marie Michelle Woodcock, 3enm Mary Nibourette. (18 a 24-an) : 1e Ivan Vidot, 2enmValentina Marie, 3enm Velda Basset.

Lapentir (15 a 17-an): 1e Dereck Vital, 2enm Mercia Jean, 3enm Atrio Labiche. (18 a 24-an) : 1e Stephanie Jean, 2enm Mona Dodin, 3enm Herve Dine.

Zistwar kourt (15 a 17-an) : 1eMonik Choppy, 2enm Athalisia Moise, 3enm Samira William. (18 a 24 an): 1e Raphaella Padayachy, 2enm Nathalie Young.

Sanson (15 a 17-an): 1e Julio Payet, 2enm Sheera Jean e Madona Morel, 3enm Sophia Valentin e Sherina Renaud. (18 a 24-an): 1e Emmanuel Perreau, 2enm Romario Bouzin e Marthina labrosse, 3enm Derick Derjacques.