Ile Perseverance pou vin 26enm rezyon elektoral |07 October 2015

Ile Perseverance pou byento vin 26enm rezyon elektoral Seychelles. Sa i apre ki Lasanble Nasyonal ti yer aprouv en mosyon ki ti prezante par lider zafer gouvernman dan Lasanble, Marie-Antoinette Rose.

Sa mosyon ti vin apre en demann gouvernman pour fer sa zil konble vin en sirkonskripsyon elektoral. La ki sa mosyon in ganny aprouve, i reste zis pour Prezidan Larepiblik, Msye James Michel, sinny sa lalwa e fer Ile Perseverance vin ofisyelman en distrik elektoral.

Onorab Rose ti dekri sa devlopman koman istorik akoz avek 1,112 lakaz e son prop laboutik, lekol, legliz, kordgard e lezot fasilite ki pou plitar ganny konstrir, sa zil i merit son stati, non selman koman en distrik me osi koman en sirkonskripsyon elektoral.

Avek anviron 7,000 zabitan, Zil Perseverans pou pli gran distrik e zòn elektoral dan Seychelles.