Dife i andomaz en lakaz Copolia |01 February 2016

Dife in fer dega dan de lasanm dan en lakaz Copolia.

Dapre zofisye relasyon piblik kot Lazans Servis Tenny Dife ek Sovtaz, Msye Jones Madeleine, zot ti ganny alerte lo sa dife ver 8er18 Vandredi swar.

I ti dir avek zournal Seychelles NATION ki dife in fer dega dan de lasanm dan sa lakaz ki annan trwa lasanm.

Lakwizin, lasal de ben, salon ek lezot konpartiman sa lakaz pa’n ganny andomaze.

Sa i 8enm ka dife pandan mwan Zanvye ki ganny raporte avek Lazans Servis Tenny Dife ek Sovtaz.

Nou portre i montre leta sa bann lasanm apre sa lensidan dife.