Spektak José Charles Sanmdi: En zoli kado Sen Valentin |11 February 2016

Sen Valentin i selebre Dimans, me napa nanryen ki anpes li konmans boner.

Si ou form parti bann ki anvi konmans selebre ou lanmour boner, Jose Charles i ofer ou sa sans, atraver en spektak dan Sant Konferans Enternasyonal (ICCS), Sanmdi swar apartir 7er30.

Sa ‘Valentine Show’ pou osi enkli partisipasyon bann zanmi José Charles, tel ki Sandra, Ion Kid, Anna Rose ek Tony Laporte. Si ou’n tann nonm Tony Laporte, savedir benn ‘Waves’ osi pou la: Se zot ki pou akonpanny José pandan lasware.

Alor, ofer ou lekor ek ou lanmoure en zoli kado Sen Valentin, e vin ‘Dir mwan cheri’ avek José Charles ek bann zanmi, Sanmdi swar, dan ICCS.