Kominike Lapolis |12 February 2016

Lapolis in raporte ki Msye Adelbert Denousse, en zonm 84-an ki ti reste La Rosière, in mor yer dan younit swen entansif Lopital Sesel apre ki i ti’n ganny tape par en moter lapolis Merkredi apremidi lo Lari Albert zis obor batiman ‘Camion Hall’. Sa aksidan ti ganny raporte arive ver 4er15 apremidi.

Dapre rapor Msye Denousse ti ganny tape apre ki i ti’n sorti ant transpor ki ti plizoumwen statik lo kote semen ki vir avek ‘Premier Building’ pour li al lot kote kot ‘Camion Hall’.

Letan aksidan ti arive sa polisye lo moter, ki ansemoman admit lo ward, ti pe fer direksyon lorloz.

Lapolis pe fer lanket dan sa premye ka fatal pour sa lannen.