Travay demolisyon lo Pirates Arms Complex |04 April 2016

Baraz proteksyon i ganny en vizaz pli atiran

Anviron 50 zenn, manm Seychelles Pension Fund (SPF), manm Konsey Nasyonal pour Lazenes, ek bann artis profesyonnel ti’n ralye lo Laveni Lendepandans Sanmdi bomaten pour penn sa baraz kot Pirates Arms complex.

Sa aktivite ti en linisyativ SPF an kolaborasyon avek Konsey Nasyonal pour Lar (Nac).

SPF marketing manager Darrel Bristol ti dir: «Nou’n ganny nou en bon group dimoun ki’n vini e sa i fantastik, e bi ki nou pe fer sa i akoz sa demolisyon i dan milye lavil e sa baraz pou la pour enpe letan. Dabor nou’n deside pour beautify sa landrwa  e donn li enpe personalite ziska ki konstriksyon i fini.»

I ti azoute ki sa i osi en letan ki bann travayer SPF i kapab pase andeor lofis pour fer team building.