Follow us on:

Facebook Twitter LinkedIn YouTube

Archive -Seychelles

Kominike Lapolis |06 May 2016

Lapolis in raporte ki Jose Betsy, en zonm 45-an ki reste Roche Caïman, in mor Merkredi swar, prezimen noye dan zanmerant sa park piblik ant batiman Seychelles NATION (NISA) avek Marine Charter.

Rapor en zonm ki ti paret anba serten lenflians ti’n tonm dan lanmer dan sa landrwa ti ganny fer avek lapolis ver 8er15 Merkredi swar.

Avek lasistans zofisye Gard Lakot Sesel e Younit Lamarin Lapolis, lekor sa zonm ki ti plitar ganny idantifye koman Jose Betsy ti ganny trouve e retire dan fon lanmer ver 10er diswar.

Swivan levidans ranmase apre rapor sa lensidan Merkredi swar, lapolis  pa pe sispekte malis dan sa ka trazik. Letopsi pou ganny fer pour etablir lakoz ekzakt lanmor Jose Betsy.

 ***

Lapolis pe egalman rod Msye Gunter Lamprecht, en Alman aze 66-an ki manke kot en letablisman touristik Lo Praslin. 

Msye Lamprecht ti ariv Sesel le 22 Avril e ti’n sipoze kit pei Merkredi le 4 Me.

Lapolis pe demann dimoun ki’n vwar oubyen ki konnen kote Msye Gunter Lamprecht i ete pour kontakte  kordgard pli pre irzan.

Se Merkredi bomaten ki lapolis ti resevwar rapor ki sa zonm Alman ti manke kot i ti pe reste. Sa ti apre ki direksyon sa letablisman ti remarke ki tou son bann propriete personnel enkli son paspor ti ankor la kan i ti’n sipoze fini kit sa zil pour pran avyon Merkredi apremidi.

 

 

 

 

» Back to Archive