‘Ti annan lafreyer parmi serten kous popilasyon’ |28 June 2016

“Dapre sa ki mon’n aprann e tande lo lendepandans mon realize ki ti annan lafreyer parmi serten kous nou popilasyon e ti annan menm serten ki ti dir la nou ni en baton zalimet nou pa konn fer ki mannyer nou pou sirviv endepandan,” Dereck Samson, zenn manm lasanble pour distrik Anse Royale ki ti ne 5-an apre lendepandans, i dir.

“Me a mon avi nou’n sirviv e nou’n vin en legzanp pour bokou pei sirtou bann lo kontinan Lafrik ki ti vin endepandan bokou plis lannen avan nou. 

“Nou’n prouv avek lemonn ki nou’n kapab devlop sa pei atraver lide ki popilasyon menm in met ansanm e ozordi nou fyer nou pe selebre 40-an sikse ek progre.”