Kominike Lapolis |30 June 2016

Lapolis pe fer lanket dan en ka kot Antoine Leon, en zonm 50-an ki reste North East Point, i manke an mer depi Zedi le 23 Zen, swivan rapor ki i ti’n sote sorti lo bato ki li avek enn son koleg ti lo la pour li al koup en lakord ki ti’n pri dan lelis.

Dapre son koleg, en zonm 48-an ki reste Rochon, sa lensidan ti ariv en zistans 50 a 60 mil avek Mahé ver 10 a 11er bomaten.

Rapor sa lensidan ti ganny fer ver 11er bomaten Sanmdi le 25 Zen letan ki koleg Msye Leon ti ariv dan Port Victoria. Msye Leon, ki ti patron abor sa bato apele ‘Ma Vallée’, ti kit ater zot de son koleg le 22 Zen.

Resers ki pe ganny fer par Gard Lakot Sesel avek lespwar pour retrouv Msye Leon ziska prezan i ankor anven.