Gonzague Peter Zoé i ganny raporte manke |21 August 2017

En zonm, Gonzague Peter Zoé, in ganny raporte manke depi Vandredi swar e nenport dimoun ki’n kapab trouv li oubyen annan okenn lenformasyon kote i kapab ete pe ganny demande pour kontakte lapolis.

Msye Zoé i en zabitan La Louise e dapre portporal lapolis Jean Toussaint, son fanmir i dir ki i ti kit kot li Vandredi ver 5er50 apremidi e dernyen fwa ki dimoun i dir zot in vwar li ti dan zanmerant Seychelles Broadcasting Corporation (SBC) Radyo, Union Vale ver 9er diswar.

Aze 46-an, Msye Zoé ti dan en semiz kanmouflaz ek en kannson nwanr.

Menm si lapolis in lans en lapel pour dimoun donn lenformasyon, ziska ler nou zournal ti al enprimen yer swar ti napa okenn rezilta.

Msye Toussaint in osi azoute ki sa de dog handlers (gard lisyen) sorti Sid Afrik ki isi dan kad lanket lo disparisyon Marvin Asba e ki ti’n sipoze kit pei pandan wikenn, zot in bezwen reste Sesel pour ede dan resers Msye Zoé.