Kominike Lapolis - En bato i ganny raporte perdi |17 January 2018

Lapolis in raporte ki sa bato dan sa portre avek non LADY A. in ganny raporte perdi par son met Dimans le 13 Zanvye 2018 kot i ti’n mouye Anse Citron, Praslin.

Dapre rapor sa bato ti annan de masin 225 lo la e depi Dimans resers in lanse par lapolis ek Gard Lakot pour rod li me ziska prezan i pa ankor ganny retrouve.

Nenport dimoun ki’n kapab vwar sa bato ouswa ki annan lenformasyon pour ed lapolis avek son met retrouv li, silvouple kontakte kordgard Grand Anse Praslin ouswa kordgard pli pre.