Kominike Lapolis - En zonm i mor dan prizon |16 April 2018

Lapolis in konfirmen ki en zonm 40-an in ganny raporte mor dan Prizon Montagne Posée yer bomaten.

Zot ti ganny sa rapor ver 4er bomaten yer.

Sa zonm ti pe servi en warant komitman dan prizon depi le 11 Avril 2018.

Lapolis in lans en lanket pour etabli sirkonstans lanmor sa zonm.

Dan en kominike separe, minister responsab pour prizon in dir ki zot pa ti ankor kapab konfirmen si ti annan en bagar sa letan e ki lotorite in zwenn avek fanmiy sa viktim.

Sa kominike i dir ki Servis Prizon i regret sa lanmor ki’n arrive e zot in ofer zot kondoleans ek senpati avek lafanmiy sa defen.

********

En Malgas dan ICU swivan en aksidan

Lapolis in osi raporte ki en zonm 37-an lorizin Malgas in admet dan Younit Swen Entansif (ICU) Lopital Sesel apre ki i ti enplike dan en aksidan kot en moter ti tap li Amitie Praslin Sanmdi tar apremidi.

Lapolis in deza ouver en lanket dan sa ka.