Wilby ek Angele Emmanuel i selebre 50-an maryaz |21 May 2018

Sa koup ki reste Beau Vallon ti renouvle zot langazman maryaz Sanmdi le 19 Me dan legliz St Roch, Bel Ombre, dan en seremoni ki ti asiste par zot 5 zanfan -- Elvis, Wilna, Tony, Flossel ek Flossia Emmanuel -- parmi lezot manm fanmir.Wilby ek Angele Emmanuel in selebre 50-an lanniverser maryaz.

Apre sa servis relizye, sa koup ti dir avek zournal Seychelles NATION ki 50-an lavi maryaz i demann bokou lanmour ek pasyans.

«Tou in posib avek Bondye o sant nou lavi familyal. Sa semen pa’n fasil me i pa enposib avek la volonte Bondye. Nou remersye tou dimoun ki’n zwe en rol enportan pandan sa bann letan avek move moman. Pasyans, lanmour ek tolerans i bann zengredyen enportan pour ariv sa leta,» sa koup ti dir.

Sa servis relizye ti swiv par en pti fonksyon.

Sa servis relizye ti asiste par en gran kongregasyon