Kominike Lapolis |25 May 2018
En zonm 34-an ki reste La Batie in ganny sarze pour lofans ‘unlawful use of vehicle’, savedir in pran transpor en dimoun e dray san son konsantman.
Sa lofans ti ganny komet Beau Vallon le 12 sa mwan.
Sa menm akize in egalman ganny sarze pour en lofans kas lakaz e vole osi byen ki pour lofans antre dan lakaz e vole La Batie le 13 Avril sa lannen.
Sa akize 34-an ki pa’n reisi zwenn serten kondisyon ki lakour mazistra in enpoz lo li pour son liberte provizwar, in ganny rimann prizon Montagne Posée ziska le 5 Zen, zour ki i pou repas ankour.